ខេត្តបន្ទាយមានជ័យ៖លោក បឹង គឹមសឹង អនុប្រធានគណៈកម្មាធិការសាខាកាកបាទក្រហមខេត្តបន្ទាយមានជ័យតំណាង ឯកឧត្តម អ៊ុំ រាត្រី ប្រធានគណៈកម្មាធិការសាខា នារសៀលថ្ងៃទី២០ ខែមីនា ឆ្នាំ២០២៦ បានអញ្ជើញចុះសាកសួរសុខទុក្ខ និងនាំយកនូវសម្ភារៈអំណោយមនុស្សធម៌ផ្តល់ជូនដល់បងប្អូនប្រជាពលរដ្ឋ ចំនួន ១២៥គ្រួសារ ដែលរងគ្រោះខូចខាតផ្ទះសម្បែងដោយសារជម្លោះព្រំដែន កម្ពុជា–ថៃ ក្នុងស្រុកស្វាយចេក។
លោក បឹង គឹមសឹង បានមានប្រសាសន៍ចូលរួមសោកស្ដាយ ចំពោះការបាត់បង់ទ្រព្យសម្បត្តិ ផ្ទះសម្បែងរបស់បងប្អូន ដែលរងគ្រោះដោយគ្រាប់ផ្លោងបាញ់ពីលើអគារ ប្រភេទ F 16 របស់ចោរសៀមឈ្លានពានមកលើបូរណភាពទឹកដីកម្ពុជា យើងធ្វើឲ្យបងប្អូនប្រជាពលរដ្ឋជួបនូវទុក្ខលំបាកខ្វះខាត ប៉ុន្តែរាជរដ្ឋាភិបាលកម្ពុជានិង កាកបាទក្រហមកម្ពុជារួមទាំងសប្បុរសជន ព្រះសង្ឃផងនោះតែងតែគិតគូរយកចិត្តទុកដាក់ពីសុខទុក្ខ ព្រមទាំងបានជួយផ្ដល់នូវសម្ភារៈអំណោយមួយចំនួនដល់បងប្អូន ដែលមានការលំបាកផ្នែកជីវភាពដោយមិនទុកនរណាម្នាក់ចោលដោយអត់អាហារនោះឡើយ។
លោក បឹង គឹមសឹង បានបន្តថា អំណោយមនុស្សធម៌ ដែលបានផ្តល់ជូនក្នុងឱកាសនេះ គឺបានមកពីការគិតគូរ មូលនិធិពីសប្បុរសជន តាមរយៈសាខាកាកបាទក្រហម សម្រាប់គាំទ្រដល់បេសកកម្មមនុស្សធម៌ ហើយចំពោះការផ្តល់អំណោយនេះ ដោយមិនលម្អៀង គ្មានការបែងចែកសញ្ជាតិ ពូជសាសន៍ វណ្ណៈ ជំនឿសាសនាឬនិន្នាការនយោបាយអ្វីឡើយ។ គួរបញ្ជាក់ថា អំណោយដែលបាន ចែកជូននៅពេលនេះក្នុងមួយគ្រួសារទទួលបាន អង្ករ២៥Kg មីខ្លាឃ្មុំ ២៥កញ្ចប់ ទឹកត្រី១យួរ ទឹកស៊ីអ៊ីវ១យួរ និងថវិកាមួយចំនួន៕
