ខេត្តបន្ទាយមានជ័យ៖ដោយមើលឃើញ ពីភាពជាក់ស្តែងនៃទុក្ខលំបាករបស់បងប្អូនប្រជាពលរដ្ឋលោកតា លោកយាយ និងជនពិការដែលកំពុងរស់នៅបណ្ដោះអាសន្ន នៅជំរំជនភៀសសឹកមួយកន្លែងស្ថិតនៅក្នុងភូមិសាស្ត្រនៃខេត្តបន្ទាយមានជ័យ។ អ្នកគ្រូ ហួន ណាវី សមាជិកគណៈកម្មការគ្រិស្តបរិស័ទខេត្តបន្ទាយមានជ័យទទួលបន្ទុកស្ត្រី បាននាំយក រទេះរុញសម្រាប់ជនពិការចំនួន០៦គ្រឿង ផ្តល់ជូនដល់លោកតា លោកយាយ ជាជនភៀសសឹកនៅព្រឹកថ្ងៃទី ២៨ ខែមករា ឆ្នាំ២០២៦ ។ក្រៅពីការផ្តល់ជូននូវរទេះ ក៏បានផ្តល់ជូននូវ សម្ភារៈប្រើប្រាស់មួយចំនួនបន្ថែមទៀត ។
អ្នកគ្រូ ហួន ណាវី បានមានប្រសាសន៍ថា ម្ចាស់អំណោយដែលបានផ្តល់ជូននាពេលនេះ មានលោកវេជ្ជបណ្ឌិត សយ ដាំ និងភរិយា ដែលរស់នៅរាជធានីភ្នំពេញ ព្រមទាំងអ្នកគ្រូ ឡាច ចាន់សាទ និងអ្នកគ្រូផ្ទាល់តែម្ដង ហើយនេះគឺជាសន្ដានចិត្តអាណិតស្រឡាញ់ចំពោះបងប្អូនខ្មែរយើងដែលជាជនភៀសសឹកកំពុងស្នាក់នៅ ដោយទង្វើឈ្លានពានរបស់ជនជាតិថៃ រាយបន្លាលួសដាក់ទូកុងតឺន័របំផ្លិចបំផ្លាញផ្ទះសម្បែងខ្ទេចខ្ទីគ្មានសល់។
អ្នកគ្រូ ហួន ណារី បានបន្តថា ការផ្តល់នូវអំណោយរទេះរុញ និងសម្ភារៈមួយចំនួននៅក្នុងឱកាសនេះបានសបញ្ជាក់ឲ្យឃើញថា ខ្មែរជួយខ្មែរ ខ្មែរស្រឡាញ់ខ្មែរ នៅក្នុងគ្រាលំបាកហើយនេះ គឺជា ការចូលរួមចំណែកដ៏ធំធេងជាមួយរាជរដ្ឋាភិបាលកម្ពុជា ដើម្បីកាត់បន្ថយនៃការលំបាករបស់បងប្អូនប្រជាពលរដ្ឋដែលបានបង្ខំចិត្តចាកចេញពីភូមិឋាន ផ្ទះសម្បែងដោយការឈ្លានពានរបស់ពពួក ចោរសៀម។
អ្នកគ្រូ ហួន ណាវី បានមានប្រសាសន៍បន្ថែមថា ព្រះបន្ទូលរបស់ព្រះយេស៊ូព្រះអង្គបានមានព្រះបន្ទូល អោយយើងចេះស្រឡាញ់គ្នាគ្រប់ពេល ឯសេចក្ដីស្រលាញ់តែងតែអត់ធ្មត់ មិនចេះ ឈ្នានីស មិនចេះអួតខ្លួន មិនយកប្រយោជន៍ផ្ទាល់ខ្លួនជាធំ មិនរហ័សខឹង មិនអរសប្បាយចំពោះសេចក្ដី ទុច្ចរិតនោះឡើយ ជឿទាំងអស់គ្នា សង្ឃឹមទាំងអស់គ្នា ហើយចំពោះបងប្អូនដែលជាជនភៀសសឹកដែលកំពុងស្នាក់នៅពេលនេះ សូមនូវអនាម័យ ផឹកស្អាតស្អាត ហូបស្អាង រស់នៅស្អាតនោះនឹងមានសុខភាពល្អប្រសើរទាំងអស់គ្នា៕
