បន្ទាយមានជ័យ ៖ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា (អ.ន.ក) នៅព្រឹកថ្ងៃទី១៥ ខែវិច្ឆិកា ឆ្នាំ២០២៥ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រកាសសមាសភាពគណៈកម្មាធិការសមាគមអតីតយុទ្ធជន និងនិវត្តជនខេត្តបន្ទាយមានជ័យ ដោយឯកឧត្តម អ៊ុំ រាត្រី អភិបាល នៃគណៈអភិបាលខេត្ត ត្រូវបានប្រកាស ជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តបន្ទាយមានជ័យ រួមនឹងអនុប្រធាន សមាជិក –សមាជិការជាច្រើនរូបទៀត។ ពិធីនេះ បានធ្វើឡើងនៅសាលប្រជុំ ធំ សាលាខេត្តបន្ទាយមានជ័យ នាថ្ងៃទី១៥ ខែវិច្ឆិកា ឆ្នាំ២០២៥
ដោយមានការអញ្ជើញចូលរួមពីឯកឧត្ដម លោកជំទាវ ប្រតិភូអមដំណើរ ឯកឧត្ដម ប្លែក វ៉ារី ប្រធាន ក្រុមប្រឹក្សាខេត្ត ឯកឧត្ដម អ៊ុំ រាត្រី អភិបាល នៃគណៈអភិបាលខេត្ត បណ្តារមន្ទីរ អង្គភាពពាក់ព័ន្ធ មេបញ្ជាការ កងកម្លាំងទាំង៣ អភិបាលក្រុង–ស្រុក មេឃុំ ចៅសង្កាត់ មេប៉ុស្តិ៍ និវត្តជន ប្រមាណជិត៥០០នាក់ផងដែរ ។
នាឱកាសនោះ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី បានជំរុញទៅដល់ក្រុមការងារសមាគមអតីតយុទ្ធជន ពិសេសឯកឧត្តម អ៊ុំ រាត្រី ជាប្រធានដែលទើបតែងតាំងថ្មី ត្រូវបន្តការយកចិត្តទុកដាក់ទៅលើសុខទុក្ខរបស់បងប្អូនគេដាក់អតីតយុទ្ធជន និងនិវត្តតាមដាន ដើម្បីធ្វើការដោះស្រាយនូវរាល់បញ្ហាប្រឈមដែលពួកគាត់ជួបប្រទះ ដើម្បីដោះស្រាយជួនពួកគារឱ្យបានទាន់ពេលវេលា។
ឯកឧត្ដម ក៏បានបន្ត ជាមួយនឹងការលះបង់យ៉ាងធំធេងរបស់បងប្អូនអតីតយុទ្ធជន ប្រមុខរាជរដ្ឋាភិបាលកម្ពុជា តែងតែយកចិត្តទុកដាក់ជាខ្លាំងជាពិសេសសម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា និងសម្តេចមហាបវរធិបតី ហ៊ុន ម៉ាណែតអនុប្រធានទី១ បានផ្តល់នូវជូនគ្រឿង ឥស្សរិយយស ជូនបងប្អូនអតីតយុទ្ធជន ដែលបានលះបង់ ក្នុងកិច្ចការពារបូរណភាពទឹកដី។
យោងតាមរបាយការណ៍របស់សមាគម អតីតយុទ្ធជនខេត្ត បានឱ្យដឹងថា បច្ចុប្បន្នអតីតយុទ្ធជននៅខេត្តបន្ទាយមានជ័យ សរុបមានចំនួន ៦.៨១៥នាក់ ក្នុងនោះបានចូលជាសមាជិក អ.ន.ក.សរុបចំនួន ៥៦៦៤នាក់ (ស្ថិតិប្រចាំខែតុលា ឆ្នាំ២០២៥) ក្នុងនោះរួមមាន ជនពិការ ចំនួន ២ ១៣៤នាក់ (អ្នកក្នុងបន្ទុកមានចំនួន ២ ៤៩៦នាក់), និវត្តជន ចំនួន ២ ៦៣៨នាក់ (អ្នកក្នុងបន្ទុកមានចំនួន ៣ ៤៤៧នាក់), ជនបាត់បង់សមត្ថភាពការងារចំនួន ៣៨នាក់ (អ្នកក្នុងបន្ទុកមានចំនួន ៣៨នាក់), គ្រួសារជនពលី ចំនួន ៧២០នាក់ (អ្នកក្នុងបន្ទុកមានចំនួន ១ ៨៧២នាក់), គ្រួសារជនមរណៈ ចំនួន ១៣៤នាក់ (អ្នកក្នុងបន្ទុកមានចំនួន ៩៧៧នាក់)។ ដោយឡែកនិវត្តជនដែលជាអតីតមន្ត្រីរាជការស៊ីវិល ស្ថិតិមុខសញ្ញានិវត្តជនដែលជាអតីតមន្ត្រីរាជការស៊ីវិលខេត្តបន្ទាយមានជ័យ សរុបចំនួន២ ១៦៧នាក់ ក្នុងនោះនិវត្តជន ចំនួន ១ ៧២៧នាក់, ជនបាត់បង់ ចំនួន ២០នាក់, អ្នកនៅក្នុងបន្ទុក ចំនួន ៤២១នាក់៕
