(បន្ទាយមានជ័យ)៖ ដើម្បីជ្រើសរើសមណ្ឌលសុខភាពចំនួន២ ទៅប្រកួតប្រជែងនៅថ្នាក់ជាតិ សម្រាប់ឆ្នាំ ២០២៥ខាងមុខនេះ គណៈកម្មការវាយតម្លៃអង្គភាពផ្ដល់សេវាសាធារណៈគំរូ ក្នុងវិស័យសុខាភិបាល ថ្នាក់ខេត្ត ដែលដឹកនាំដោយលោក យឹម សំណាង អភិបាលរង ខេត្តតំណាងឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោក អ៊ុក សឿន សមាជិកក្រុមប្រឹក្សាខេត្ត លោក នៅ ចំរើន ប្រធានមន្ទីរមុខងារសាធារណៈខេត្តបន្ទាយមានជ័យ លោកវេជ្ជបណ្ឌិត ហេង គឹមស៊ត អនុប្រធានមន្ទីរសុខាភិបាលខេត្ត និងលោក លោកស្រី ប្រធាន.អនុប្រធានមន្ទីរអង្គភាពពាក់ព័ន្ធ នៅថ្ងៃទី៧ ខែតុលា ឆ្នាំ២០២៥ បានអញ្ជើញចុះពិនិត្យវាយតម្លៃនិងជ្រើសរើស អង្គភាពផ្តល់សេវាសាធារណៈគំរូ ក្នុងវិស័យសុខាភិបាល ឆ្នាំ២០២៥ នៅមណ្ឌលសុខភាពណាំតៅ ស្ថិតនៅក្នុងភូមិគោកចាស់ ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។
ក្នុងការចុះពិនិត្យវាយតម្លៃនោះលោក យឹម សំណាង ,លោក អ៊ុក សឿន ,លោក នៅ ចំរើន ,លោកវេជ្ជបណ្ឌិត ហេង គឹមស៊ត និងលោក លោកស្រី ប្រធាន.អនុប្រធានមន្ទីរ អង្គភាពពាក់ព័ន្ធបានធ្វើការបែងចែកជាក្រុមត្រួតពិនិត្យទៅលើស្តង់ដាទាំង៨ របស់អង្គភាពវាយតម្លៃសាលាគំរូ ក្នុងវិស័យសុខាភិបាល ថ្នាក់ខេត្ត ឆ្នាំ២០២៥ ក្នុងនោះរួមមាន៖១,ស្តង់ដាសេវាសាធារណៈ(សុខាភិបាល)។២,ស្តង់ដារ ឬនិយាមនៃការផ្ដល់សេវាសាធារណៈក្នុងវិស័យសុខាភិបាល។៣,ការគ្រប់គ្រងហិរញ្ញវត្ថុសាធិការគ្រប់គ្រងហិរញ្ញវត្ថុសាធារណៈនៅក្នុងអង្គភាព។៤,ការគ្រប់គ្រងនិងការអភិវឌ្ឍន៍ធនធានមនុស្សនៅក្នុងអង្គភាព។៥,ការរៀបចំនិងកែលម្អបរិស្ថានអង្គភាព។៦,ទំនាក់ទំនងល្អជាមួយប្រជាពលរដ្ឋ សហគមន៍ និងដៃគូអភិវឌ្ឍន៍ ព្រមទាំងការចូលរួមវាយតម្លៃ ពីនាក់ប្រើប្រាស់សេវាសាធារណៈ។៧,ការដោះស្រាយបញ្ហាប្រឈមជាមួយប្រជាពលរដ្ឋ អាជ្ញាធរ និងសហគមន៍។និងទី៨,ការផ្ដួចផ្ដើមគំនិតថ្មីៗ និងនវានុវត្ត ដើម្បីឲ្យអង្គភាពមានដំណើរការកាន់តែល្អប្រសើរ។
លោក យឹម សំណាង បានបញ្ជាក់ថា៖ សម្រាប់មណ្ឌលសុខភាពនៅក្នុងខេត្តបន្ទាយមានជ័យ មានចំនួន៦៨មណ្ឌល ក្នុងនោះយើងបានជ្រើសរើសយកបាន ៨មណ្ឌល រួមមាន៖១,មណ្ឌលសុខភាពអូរស្រឡៅ ២,មណ្ឌលសុខភាពឈ្នួលមានជ័យ ៣,មណ្ឌលសុខភាពណាំតៅ ៤,មណ្ឌលសុខភាពជប់វារី ៥,មណ្ឌលសុខភាពគោករមៀត ៦,មណ្ឌលសុខភាពអូរឫស្សី១, ៧,មណ្ឌលសុខភាពអូឬស្សី២ និងទី៨,មណ្ឌលសុខភាពសំរោង។ ជាក់ស្តែង ការចុះពិនិត្យជាក់ស្ដែងនាពេលនេះគឺពិតជាមានសារៈសំខាន់ដល់គណៈគ្រប់គ្រង និងបេក្ខភាពជ័យលាភីអង្គភាពផ្តល់សេវាសាធារណៈគំរូ ក្នុងវិស័យសុខាភិបាល ឆ្នាំ២០២៥ គឺត្រូវខិតខំប្រឹងប្រែងធ្វើយ៉ាងណាឆ្លើយតបឲ្យបានច្រើន ជាអតិបរិមាចំពោះក្រុមការងារ តាមផ្នែកនិមួយៗដើម្បីសន្សំពិន្ទុ ដឹងថាពីព្រោះការប្រកួតប្រជែងនេះយើងមិនដឹងថាអ្នកណាជាប់ចំណាត់ថ្នាក់ល្អនោះទេ គឺដើម្បីជ្រើសរើសមណ្ឌល សុខភាពចំនួន ២កន្លែង ទៅប្រកួតប្រជែងនៅថ្នាក់ជាតិ សម្រាប់ឆ្នាំ ២០២៥ខាងមុខនេះផងដែរ។
លោក អភិបាលរង ខេត្ត បាទមានប្រសាសន៍បញ្ជាក់ថា៖ ដូច្នេះហើយ គណៈគ្រប់គ្រងមន្ទីរពេទ្យបង្អែកទាំងអស់ត្រូវបន្តសហការគ្នាកែលម្អគុណភាពសេវា ការគ្រប់គ្រង កាកែលម្អបរិស្ថាន និងមានទំនាក់ទំនងល្អជាមួយប្រជារាលរដ្ឋ សហគមន៍ និងដៃគូអភិវឌ្ឍ៕
