ខេត្តបន្ទាយមានជ័យ៖ នាព្រឹកថ្ងៃទី២៥ ខែកញ្ញា ឆ្នាំ២០២៥ លោក ហង្ស រ៉ាត់ ប្រធានសមាគមសម្ព័ន្ធយុវជនដើម្បីសន្តិភាព សាខាខេត្តបន្ទាយមានជ័យ រួមនឹងសមាជិកសមាជិកា បាននាំយកម៉ាស៊ីនលាយស៊ីម៉ង់ ១គ្រឿងតម្លៃ ៦៩០ដុល្លា និងថវិការចំនួន ៥៥ម៉ឺនរៀល ប្រគេនដល់ព្រះសង្ឃ នៅវត្តពុទ្ធិសីមារាម (ហៅវត្តជោគជ័យ) ស្ថិតនៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ សម្រាប់ប្រើប្រាស់ក្នុងវត្ត។
លោក ហង្ស រ៉ាត់ ប្រធានសាខាខេត្ត បានមានប្រសាសន៍ថា ដោយអនុវត្តតាមការណែនាំរបស់ឯកឧត្តម បណ្ឌិត សុខ ចាន់ភក្តី ប្រធានសមាគម និង លោកបណ្ឌិត ឌីម សុខុន អគ្គលេខាធិការ អោយមានការយកចិត្តទុកដាក់ខិតខំជួយដល់សង្គមជាតិយើងក្នុងនាមសមាគម ពិសេសផ្តោតទៅលើមនុស្សធម៌ គៀងគរពីសប្បុរសនានាទាំងក្នុង និងក្រៅប្រទេស ដើម្បីជួយប្រជាពលរដ្ឋដែរលមានជីវភាពខ្វះដល់គោលដៅជាក់ស្តែង ជាការជួយសម្រាលទុករបស់ថ្នាក់ដឹកនាំមួយផ្នែក ហើយក៏ស្របពេលនៅវត្តពុទ្ធិសីមារាម (ហៅវត្តជោគជ័យ)មានការខ្វះខាតផងដែរនោះ ព្រះចៅអធិការវត្តស្នើសុំបិណ្ឌបាត្រ ម៉ាស៊ីនលាយស៊ីម៉ង់ ១គ្រឿង ខណៈសមាគមយើងដឹកនាំដោយលោក បណ្ឌិត ឌីម សុខុន អគ្គលេខាធិការ នាំយកអង្គរ , មីខ្លាឃ្មុំ ,ទឹកបរិសុទ្ធ និងថវិការមួយចំនួនប្រគេនដល់ព្រះសង្ឃ នៅក្នុងថ្ងៃពិធីបុណ្យភ្ជុំបិណ្ឌធំ ត្រូវនឹងថ្ងៃទី២២ ខែកញ្ញា ឆ្នាំ២០២៥ លោក ហង្ស រ៉ាត់ ប្រធានសាខាខេត្ត និងសមាជិក សមាជិការយើង រួមដៃគ្នាយ៉ាងស្អិតល្មួតបានជាថវិការយកទៅទិញ រួចយកទៅប្រគេនដល់ព្រះសង្ឃទុកសម្រាប់ប្រើប្រាស់តាមតម្រូវការក្នុងវត្ត។ទន្ទឹមនោះព្រះចៅអធិការវត្តបានមានសង្ឃដីការ អគុណយ៉ាងជ្រាវជ្រៅចំពោះសមាគមសម្ព័ន្ធយុវជនដើម្បីសន្តិភាព ដែលបានប្រគេនម៉ាស៊ីនលាយស៊ីម៉ង់ និងបច្ច័យ សូមជូនពរដល់ថ្នាក់ដឹងនាំ ដ៏ដូចជាសមាជិក សមាជិការទាំងអស់ឲ្យជួបតែពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
