ខេត្តបន្ទាយមានជ័យ៖ក្នុងថ្ងៃពិធីបុណ្យភ្ជុំបិណ្ឌធំ ត្រូវនឹងថ្ងៃទី២២ ខែកញ្ញា ឆ្នាំ២០២៥ លោកបណ្ឌិត ឌីម សុខុន អគ្គលេខាធិការ សមាគមសម្ព័ន្ធយុវជនដើម្បីសន្តិភាព តំណាងឲ្យឯកឧត្តម បណ្ឌិត សុខ ចាន់ភក្តី ប្រធានសមាគម អមដំណើរដោយអគ្គលេខាធិការរង លោក ហង្ស រ៉ាត់់ ប្រធានសាខាខេត្តបន្ទាយមានជ័យ សមាជិកសមាជិកា រួមនឹងសប្បុរសជននានា បាននាំយកអំណោយមានដូចជា អង្ករ , មីខ្លាឃ្មុំ ,ទឹកបរិសុទ្ធ និងថវិការមួយចំនួន ទៅប្រគេនដល់ព្រះសង្ឃចំនួនពីរវត្តគឺ វត្តពុទ្ធិសីមារាម (ហៅវត្តជោគជ័យ) ស្ថិតនៅភូមិជោគជ័យ ឃុំអូរបីជាន់ និងវត្តសុវណ្ណសិក្ខារាម (ហៅវត្តព្រៃចាន់) ស្ថិតនៅភូមិព្រៃចាន់ ឃុំអូរបីជាន់ ខេត្តបន្ទាយមានជ័យ ដែលកំពុងមានការខ្វះខាតហើយក៏ជាវត្តដែលស្ថិតនៅក្នុងតំបន់សមរភូមិមុខដែលប្រជាពលរដ្ឋកំពុងតែតតាំងយ៉ាងស្វិតស្វាញជាមួយនឹងចោរឈ្លានពានសៀម ដែលប្រដាប់ដោយកាំភ្លើង ដំបងឆក់ បាញ់ថ្នាំពុល និងរាយបន្លាលួសមកដាក់ហ៊ុំព័ទ្ធក្នុងដែនអធិបតេយ្យភាពរបស់កម្ពុជាយ៉ាងគក្លើននោះ ។ បន្ទាប់ពីប្រគេនអំណោយដល់ព្រះសង្ឃ លោកបណ្ឌិត ឌីម សុខុន បានបន្តយកទៅជូនដល់វីរៈកងទ័ពដែលកំពុងឈជើងការពារទឹកដីនៅជួរមុខ ព្រមទាំងអញ្ជើញពិនិត្យនៅកន្លែងសៀមដាក់រាយបន្លាលួស និងសំណេះសំណាលជាមួយវរ:កងទ័ពជួរមុខ និងប្រជាពលរដ្ឋបន្ថែមទៀតផងដែរ។
នាឱកាសនោះលោកបណ្ឌិត ឌីម សុខុន បានមានប្រសាសន៍សម្ដែងការសោកស្ដាយចំពោះប្រទេសនៅភូមិផងរបងជាមួយដែលតែងតែចិញ្ចឹមចិត្ត រំលោភចង់បានទឹកដីរបស់កម្ពុជាយ៉ាងគក្លើនម្ដងហើយម្ដងទៀត មិនចេះចប់មិនចេះហើយ ធ្វើឲ្យប្រជាពលរដ្ឋរងទុក្ខលំបាក ទាំងមិនបានទៅរកទទួលទានដើម្បីចិញ្ជឹមជីវិត និងចូលរួមពិធីបុណ្យភ្ជុំបិណ្ឌ។ក្នុងនោះលោកបណ្ឌិត ឌីម សុខុន បានថ្លែងអំណរអរគុណយ៉ាងជ្រៅជ្រៅចំពោះបងប្អូនប្រជាពលរដ្ឋ ដែលបានលះបង់សព្វបែបយ៉ាង ដើម្បីតតាំងការពារប្រទេសជាតិយើង ជាមួយកងកម្លាំងសមត្ថកិច្ចផងដែរ ៕
