ខេត្តបន្ទាយមានជ័យ៖ ព្រះមន្ត្រីសង្ឃ ព្រះសង្ឃ សប្បុរសជនដែលដឹកនាំដោយព្រះសមណ:ញាណ ណាប់ ម៉ឺន ព្រះបាឡាត់គណខេត្ត បាននិមន្តនិងអញ្ជើញផ្ដល់នូវសម្ភារៈនិងគ្រឿង ឧបភោគបរិភោគថវិកាមួយចំនួនជូនដល់កងទ័ពជួរមុខកម្ពុជាយើងដែលកំពុងឈរជើងការពារបូរណភាពទឹកដីពីពួកសៀមឈ្លានពានស្ថិតនៅក្នុងប្រាសាទតាមាន់ធំ តំបន់ថ្មដូន និង ប្រាសាទតាក្របី។
ព្រះសមណ:ញាណ ណាប់ មុឺន ព្រះអង្គបានមាន សង្ឃដីកាថារាល់សម្ភារៈ ថវិកាដែលបានយកមកផ្តល់ជូនថ្ងៃនេះ គឺបានមកពីកម្លាំងមហាសាមគ្គីជាតិ ខ្មែរស្រឡាញ់ខ្មែរក្នុងគ្រាលំបាក ក្នុងនោះរួមមានសប្បុរសជន ដែលផ្ដេីមពី ព្រះសមណៈញាណ ណាប់ មុឺន ព្រះគ្រូវ៉ាត់ ចំរើន ព្រះចៅអធិការវត្តសុភមង្គល លោកឧត្តមសេនីយ៍ទោ សិទ្ធឡោះ និងលោកស្រី ប៉ាណ ណាវី និង ឯកឧត្តម វួច អូន និងលោកជំទាវ ពៅ មុំ មហាឧបាសកពុទ្ធសាសនូប្ថបឋម ជឹម ស៊ី មហាឧបាសិកាពុទ្ធសាសនូបត្ថម្ភ ប៉ាន ម៉ារិន លោក ថន សុីថុន និងភរិយាលោកស្រី តាំង ស្រីពេជ្រ នៅប្រទេសបារាំង លោក ឆូយ ឆាយឧបាសិកា ញ៉ែម វណ្ណា នៅប្រទេសអូស្ត្រាលី លោក សេង គឹមសាន លោកស្រី ឡាយ ហ៊ុយ ព្រមទាំងសប្បុរសជនក្នុងនិងក្រៅប្រទេស។ សម្ភារៈអំណោយ ដែលបានយកមកផ្តល់ជូនដល់ កងកម្លាំងនៅថ្ងៃនេះ រួមមាន: សុីតែនទឹកធំ ចំនួន ៦ ធុងទឹកចំណុះ ២២០លីត្រ ចំនួន១០ ម៉ាស៊ីនភ្លើងចំនួន១ ម៉រទ័របូមទឹកចំនួន១ ទុយោបូមទឹកចំនួន ២០០ម៉ែត្រ ទឹកបរិសុទ្ធចំនួន ១២០០យួរ កាហ្វេ ១២ថងលធំ ម៉ាស ចំនួនមួយ១៣០០ ព្រមទាំងថ្នាំពេទ្យ និងគ្រឿងទេសផ្សេងៗជាច្រើនទៀត។
ព្រះសមណ:ញាណ ណាប់ មុឺន បានមាន សង្ឃដីកាបន្ថែមថា ក្រៅពីការផ្ដល់នូវសម្ភារៈអំណោយ នឹងផ្តល់ជាកម្លាំងចិត្ត ក្នុងនាមព្រះមន្ត្រីសង្ឃ ក៏ដូចជាបងប្អូនប្រជាពលរដ្ឋទាំងអស់ក៏សូមថ្លែងនូវការដឹងគុណ ដល់កងវរៈកងទ័ព ដែលមានភាពអង់អាចក្លាហាន ពុះពារគ្រប់ឧបសគ្គ្គ ការពារបូរណភាពទឹកដី ពីពួកសៀមឈ្លានពាន ដោយមិនឲ្យបាត់បង់នោះឡើយ។ សូមបញ្ជាក់ផងដែរថា ក្រោយពីការចូលជាធរមាន នូវបទឈប់បាញ់ រវាងកងទ័ពកម្ពុជានិងកងទ័ពសៀម កងកម្លាំងរបស់យើងស្ថិតនៅក្នុងការប្រុងប្រយ័ត្ន បានអនុវត្តតួនាទីរបស់ខ្លួន ដោយ ស្មារតីច្បាស់លាស់ ពេញលេញ រួមគោរពយ៉ាងម៉ឺងម៉ាត់បំផុត លើលក្ខខណ្ឌឈប់បាញ់។ នេះគឺជាការប្ដេជ្ញាចិត្តសុចរិត ច្បាស់លាស់ មិនរួញរាមិនប្រែប្រួល នៃជំហរដ៏រឹងមាំរបស់រាជរដ្ឋាភិបាល ធ្វើយ៉ាងណាដើម្បីឆ្ពោះទៅភាពកាន់តែប្រសើរឡេីង ឲ្យបានឆាប់រហ័សបំផុត និយាយរួមគឺខ្មែរចង់បានសុខសន្តិភាព៕
