ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកសាមគ្គីមុនីជ័យ នៅថ្ងៃទី១៧ ខែមិនា ឆ្នាំ២០២៦ វេលាម៉ោង១៦និង៣០នាទី បានចុះប្រតិបត្តិការបង្ក្រាបល្បែងស៊ីសងខុសច្បាប់មួយកន្លែងស្ថិតនៅចំណុចភូមិទួលវិហារ ឃុំចាន់សែន ស្រុកសាមគ្គីមុនីជ័យ ខេត្តកំពង់ស្ពឺ ដោយឃាត់ខ្លួនជនសង្ស័យបានចំនួន០៥នាក់ រួមមាន៖
១.ឈ្មោះ ភូ ថន ភេទប្រុស អាយុ៦០ឆ្នាំ រស់នៅភូមិព្រៃទាន ឃុំយុទ្ធសាមគ្គី
២.ឈ្មោះ ច្រេ សារ៉ូន ភេទប្រុស អាយុ៥៥ឆ្នាំ រស់នៅភូមិត្រពាំងចំបក់ ឃុំមានជ័យ
៣.ឈ្មោះ សេង សឿន ភេទប្រុស អាយុ៦៩ឆ្នាំ
៤.ឈ្មោះ ជួរ វណ្ណី ភេទប្រុស អាយុ៥៨ឆ្នាំ ទាំង០២នាក់ខាងលើរស់នៅភូមិទួលវិហារ ឃុំចាន់សែន
៥.ឈ្មោះ ភឿន រុន ភេទប្រុស អាយុ៥៦ឆ្នាំ រស់នៅភូមិទឹកឬស្សីឃុំមានជ័យ ។វត្ថុតាងដែលដកហូតបានរួមមាន: មេអាប៉ោងចំនួន០៥គ្រាប់ ,មេដែកឆក់១ ,ចាន០១ ,គម្រប០១ ,ទូរស័ព្ទចំនួន០៣គ្រឿង ,លុយចំនួន២៩០០០៛ ,កាបូប០២ ,សៀវភៅកត់កន្ទុយលេខ០១ក្បាល ,ប៉ាយលេខ ០១ ,ម៉ូតូ០៣គ្រឿង ។បច្ចុប្បន្នជនសង្ស័យខាងលើត្រូវបានឃាត់ខ្លួននៅអធិការដ្ឋាននគរបាលស្រុកសាមគ្គីមុនីជ័យ ដើម្បីកសាងសាណុំរឿងនិងចាត់ការតាមនីតិវិធីបន្ត៕
