ខេត្តបន្ទាយមានជ័យ៖យ៉ាងហោចណាមានមនុស្ស ២នាក់បានរងរបួសស្រាល និងធ្ងន់ ត្រូវបានដឹកទៅសង្គ្រោះនៅឯមន្ទីរពេទ្យភ្លាមៗ ក្រោយពីជួបឧបទ្ទវហេតុគ្រោះថ្នាក់ចរាចរណ៍ដែលលបង្កឡើងដោយត្រាក់ទ័រ បើកបរខ្វះការប្រុងប្រយ័ត្ន បានជ្រុលទៅបុកម៉ូតូ១គ្រឿង ក្រោយមកក៏ស្រាប់មានរថយន្តសេរីទំនើប និងរថយន្តក្រុង មកបុកពីក្រោយត្រាក់ទ័របន្ថែមទៀត ទើបបណ្តាលឲ្យមានអ្នករបួស សំណាងហើយមិនមានអ្នកបាត់បង់ជីវិត។ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង ៥និង០០នាទីភ្លឺ ថ្ងៃទី០៧ ខែវិច្ឆិកា ឆ្នាំ២០២៥ នៅលើកំណាត់ផ្លូវជាតិលេខ៦ ស្ថិតក្នុងភូមិសាលាក្រៅ សង្កាត់ភ្លៀត ក្រុងសិរីសោភ័ណ ខេត្តបន្ទាយមានជ័យ។
បើតាមសមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍គឺបង្កឡើងដោយត្រាក់ទ័រពណ៌ក្រហម អ្នកបើកបរមិនស្គាល់អត្តសញ្ញាណ ដោយបើកបរក្នុងទិសដៅពីកើតទៅលិច ច្រាសទិសគ្នា បានបុកម៉ូតូ ម៉ាកហុងដាឌ្រីមC១២៥ ពណ៏ខ្មៅ ឆ្នាំផលិត២០១៨ ពាក់ស្លាកលេខប.ជ១W0674បើកបរដោយឈ្មោះ សុវណ្ណ លក្ខិណា ភេទស្រី អាយុ ៣១ឆ្នាំ រស់នៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ បណ្តាលឲ្យបួសធ្ងន់បាក់ដៃស្តាំ ក្រោយមកក៏ស្រាប់មានរថយន្ត ម៉ាក AI PHAADពណ៌ ស ពាក់ ពាក់ផ្លាកលេខ សៀមរាប 2C 6170 មកបុកពីក្រោយត្រាក់ទ័រ អ្នកបើកបរមិនស្គាល់អត្តសញ្ញាណ បន្ទាប់មកទៀតក៏មានរថយន្តក្រុង ០១គ្រឿងទៀតពណ៌ ស ពាក់ផ្លាកលេខ ភ្នំពេញ ២C 5556 មកបុកពីក្រោយបន្តទៀត អ្នកបើកបរមិនស្គាល់អត្តសញ្ញាណ ទើបបណ្តាលឲ្យអ្នកបើកបរម៉ូតូរបួសធ្ងន់ត្រូវបានរថយន្តសង្គ្រោះ ដឹកបញ្ជូនទៅមន្ទីរពេទ្យកម្ពុជា–ជប៉ុនស្រុកមង្គលបូរី។
ក្រោយពីកើតហេតុកម្លាំងជំនាញនៃស្នងការដ្ឋាននគរបាលខេត្តបានចុះជួយអន្តរាគមន៍ និងធ្វើការវាស់វែង រួចស្ទូចមធ្យោបាយបង្កម៉ូតូ ត្រាក់ទ័រ រថយន្ត ដែលរងការខូចខាតធ្ងន់យកទៅរក្សាទុករងចាំដោះស្រាយគ្នាតាមនិតិវិធីច្បាប់ជាក្រោយ៕
