ខេត្តបន្ទាយមានជ័យ៖កឋិនទាន គឺជាបុណ្យមួយ ដែលចាប់ផ្ដើមធ្វើបន្ទាប់ពីបុណ្យចេញវស្សាហើយបុណ្យកឋិនទាន ដែលត្រូវបានដង្ហែចូលគ្រប់ទីអារាមទាំងអស់ពុំមានទំនេរវត្តណាមួយនោះឡើយ ។ដូចនេះគេតែងតែឃើញក្បួនដង្ហែអង្គកឋិនទានដង្ហែទៅកាន់ទីវត្តអារាមរៀងៗខ្លួន ចាប់ពីថ្ងៃ ១រោច ខែអស្សុជ ដល់ថ្ងៃ១៥ កើត ខែ កក្តិក មានរយៈពេល ២៩ថ្ងៃ។ហើយវត្តនីមួយៗ ទទួលបានអង្គកឋិនទានតែម្ដងប៉ុណ្ណោះក្នុងមួយឆ្នាំ។ ដោយឡែកសម្រាប់ថ្ងៃពុធ ទី២២ ខែ តុលា ឆ្នាំ២០២៥ នាវត្តគិរីជុំចំការខ្នុរ ក្រុងសិរីសោភ័ណខេត្តបន្ទាយមានជ័យ លោកអាចារ្យគណៈកម្មការឧបាសកឧបាសិកាព្រមទាំងពុទ្ធបរិស័ទចំណុះ ជើងវត្ត ដែលមានសទ្ធាជ្រះថ្លាស្រុះស្រួលមូលមតិគ្នាជាឯកច្ឆន្ទផ្ដួចផ្ដើមប្រារព្ធធ្វើបុណ្យកឋិនទានសាមគ្គី ដើម្បីប្រគេនដល់ព្រះ ភិក្ខុសង្ឃ ដែលគង់ចាំព្រះវស្សាអស់ត្រីមាស ដើម្បីក្រាលគ្រង ទៅតាមពុទ្ធានុញ្ញាតនឹងពុទ្ធបញ្ញត្តិ ដែលព្រះដ៏មានប្រសិទ្ធភាពព្រះអង្គទ្រង់ត្រាស់សម្ដែងទុក។ ម្យ៉ាងទៀត ដើម្បីប្រមូលបច្ច័យ។ កម្មវិធីអង្គកឋិនទានសាមគ្គីនេះ ក៏បានធ្វើការរៀបចំទៅតាមបែបប្រពៃណីនៃព្រះពុទ្ធសាសនា ។
ព្រះអង្គគ្រូ ណាប់ ម៉ឺន ព្រះរាជាគណះថ្នាក់កិត្តិយស ព្រះបាឡាត់គណខេត្ត និងជាព្រះគ្រូចៅអធិការវត្ត គិរីជុំចំការខ្នុរ ព្រះអង្គមាន សង្ឃដីកាថា បុណ្យកឋិនទាន ធ្វើឡើងនៅពេលនេះក្នុងគោលបំណងសំខាន់ៗមួយចំនួន រួមមាន ១– ដើម្បីបង្កើតនូវសាមគ្គីភាពរវាងបុគ្គលគ្រួសារនិងសង្គម ២-ដើម្បីទ្រទ្រង់ព្រះពុទ្ធសាសនាឲ្យបានចម្រើនរុងរឿងយូរអង្វែង ៣-ដើម្បីផ្តល់នូវកម្លាំងកាយចិត្ត ដល់ព្រះភិក្ខុសង្ឃដើម្បីថ្វាយឧបការៈទំនុកបម្រុងឧបត្ថម្ភព្រះភិក្ខុសាមណេរដែល ដែលជាមហាកុសលដ៏ប្រសើរ និងដើម្បីកុំឲ្យកើតនូវសេចក្ដីប្រមាថចំពោះមហាកោសល្យរបស់ខ្លួន។ គួរបញ្ជាក់ផងដែរថា បច្ច័យចូលរួមក្នុង អង្កកឋិនទាននេះ ទទួលបាន ៩៩ត្រៃ បច្ច័យ ៦២ ៦២៤ ០០០រៀល និង ចំណាយផ្សេង ក្នុង កម្មវិធីបុណ្យចំនួន ១៣ ៧០០០ ០០០រៀល ៕
