ខេត្តបន្ទាយមានជ័យ៖ដោយក្ដីអាណិតស្រឡាញ់ខ្មែរជួយខ្មែរនៅក្នុងគ្រាលំបាក នាចុសប្តាហ៍នេះ លោកគ្រូគង្វាល ហម ស៊ុយ ជាប្រធានគណៈកម្មាធិការគ្រិស្តបរិស័ទ ខេត្តបន្ទាយមានជ័យរួមដំណើរដោយអស់លោក លោកស្រី អនុប្រធាន និងសមាជិកគ្រិស្តបរិស័ទអញ្ជើញចុះសួរសុខទុក្ខ និងនាំយកនូវអំណោយនៃក្ដីស្រឡាញ់ ចែកជូនដល់បងប្អូន ប្រជាពលរដ្ឋជាពួកជំនុំដែលមានជីវភាពខ្វះខាត ស្ថិតនៅក្នុង ស្រុកស្វាយចេក ខេត្តបន្ទាយមានជ័យចំនួន ១០០គ្រួសារ ដែលពួកគាត់បានជួបការលំបាកផ្នែកជីវភាព ។
លោក ហម ស៊ុយ បានមានប្រសាសន៍ថា អំណោយទាំងនេះត្រូវបានលោកពីក្រុមជំនុំនៃប្រទេស សហរដ្ឋអាមេរិក របស់ អង្គការ DCMI នេះគឺជាទឹកចិត្តអាណិតស្រឡាញ់យ៉ាងធំធេងដល់បងប្អូនប្រជាពលរដ្ឋដែលជួបការលំបាក។ លោ កហម ស៊ុយបានបន្តថា ព្រះបន្ទូលរបស់ព្រះយេស៊ូថា អិយយើងនេះចេះស្រឡាញ់គ្នាទៅវិញទៅមក ឯសេចក្ដីស្រលាញ់តែងតែអត់ធ្មត់ហើយក៏សប្បុរស សេចក្ដីស្រឡាញ់មិនចេះឈ្នានីសអំនួតខ្លួន មិនអរសប្បាយចំពោះសេចក្ដី ទុច្ចរិតនោះឡើយ។ យើងទាំងអស់គ្នាសង្ឃឹមទាំងអស់គ្នា និងគាំទ្រទាំងអស់គ្នា។ ព្រះយ៉េសូវ បានមានបន្ទូលថា ខ្ញុំជាផ្លូវ ជាសេចក្តីពិត ហើយជា ជីវិត បើមិនមកតាមខ្ញុំ នោះគ្មានអ្នកណា ទៅឯព្រះវបីតាបានឡើយ។ សូមបញ្ចាក់ផងដែរថា លោក ហម ស៊ុយ ដែល ជាថ្នាក់ដឹកនាំគណៈកម្មការគ្រិស្តបរិស័ទប្រចាំខេត្តបន្ទាយមានជ័យដែលជានិច្ចកាលតែងតែចូលរួមជាមួយរាជរដ្ឋាភិបាល និងរដ្ឋបាលខេត្តបន្ទាយមានជ័យដើម្បីកាត់បន្ថយភាពក្រីក្ររបស់ប្រជាពលរដ្ឋផងដែរ ក៏បានចូលរួមលើវិស័យមនុស្សធម៌វិស័យអប់រំនិងហេដ្ឋារចនាសម្ព័ន្ធផ្សេងៗ។ អំណោយដែលយកមកជូនដល់បងប្អូនទាំង១០០គ្រួសារ ដោយក្នុងមួយគ្រួសារទទួលបានអង្ករ ២០គីឡូក្រាម មី១០កំប៉ុង ទឹកត្រីបីដប ទឹកស៊ីអ៊ីវបីដប និងប៊ីចេងមួយកញ្ចប់ផងដែរ៕
