ខេត្តឧត្តរមានជ័យ៖ដើម្បីសម្តែងនូវការដឹងគុណក៏ដូចជាកម្លាំងដើម្បីលើកទឹកចិត្ត ដល់វីរៈកងទ័ពគ្រប់រូប ដែលកំពុងឈរជើងការពារបូរណភាពទឹកដី ពីពួកសៀមឈ្លានពាននាល្ងាចថ្ងៃទី១៦ ខែតុលា ឆ្នាំ២០២៥ ព្រះគ្រូសោភ័ណវិមល ប៉ាត សុគន្ធ ព្រះអនុគណ ក្រុងសិរីសោភ័ណ និងជាព្រះគ្រូចៅអធិការវត្តសមាធិផល ព្រះអង្គបាន និមន្តសាកសួរសុខទុក្ខ និងបាននាំយកនូវអំណោយសម្ភារៈមួយចំនួនផ្តល់ជូនដល់វីរៈកងទ័ពជួរមុខ នៃតំបន់ប្រាសាទខ្នារ ក្បែរប្រាសាទតាក្របី ស្ថិតនៅក្នុងខេត្តឧត្តរមានជ័យ។ ព្រះគ្រូ ប៉ាត សុគន្ធ ព្រះអង្គបានមានសង្ឈដីកាថា រាល់សម្ភារៈ នេះដែលបានយកមកផ្តល់ជូនដល់កងទ័ពរួមមាន ម៉ាស៊ីនភ្លើងមួយគ្រឿង ម៉ូតូស៊េរីចាស់មួយគ្រឿង អាយកូម ៥ ទូរស័ព្ទដៃចំនួន២គ្រឿង និងគ្រឿងឧបភោគបរិភោគ ព្រមទាំងថវិកាមួយចំនួន។
ព្រះអង្គក៏បានបញ្ជាក់ថា ចំពោះថវិកាដែលបានយកមកទិញសម្ភារៈទាំងនេះ បាន មកពីសទ្ធាជ្រះថ្លាព្រះអង្គគ្រូ ហ៊ាន ហារ ដែលគង់នៅសហរដ្ឋអាមេរិក បានឧបត្ថម្ភចំនួន ៥០០ដុល្លារ បងប្រុស រ៉េន ឡៃ និងភរិយា ឆម ឆន និងកូន ដែលរស់នៅសហរដ្ឋអាមេរិកបានឧបត្ថម្ភចំនួន ២០០ដុល្លារ បងប្អូនប្រជាពុទ្ធបរិស័ទចំណុះជើងវត្តសមាធិផលពីថ្ងៃហែកឋិនសាមគ្គី បានមានសទ្ធាជ្រះថ្លាចូលរួមដល់ព្រះអង្គ ចំនួន៧៧ ៥០០០រៀល និងព្រះអង្គផ្ទាល់ ក៏បានចំណាយថវិកា សម្ភារៈផ្សេងៗ សរុបទាំងអស់ចំនួន១៤០០ដុល្លារ។ ការផ្តល់នូវសម្ភារៈទាំងអស់នេះ គឺជាការចូលរួមចំណែកជាមួយរាជរដ្ឋាភិបាលក៏ដូចជា ក្រសួងការពារជាតិ ក្នុងការដឹងគុណនិងការលើកទឹកចិត្ត ដល់កងទ័ពស្នេហាជាតិការពារបូរណដីមិនឲ្យបាត់បង់សូម្បីតែមួយមីលីម៉ែត ពីពពួកចោរសៀម ឈ្លានពាន។ ចុងក្រោយក្រោយ ព្រះអង្គគ្រូ ប៉ាត សុគន្ធ បានថ្លែងនូវអំណរគុណយ៉ាងជ្រាលជ្រៅចំពោះព្រះតេជគុណអស់លោក លោកស្រី ប្រជាពុទ្ធបរិស័ទ ដែលបានចូលរួមចំណែកយ៉ាងធំធេង ជាថវិកាសម្ភារៈប្រើប្រាស់ឧបត្ថម្ភដល់វរៈកងទ័ពនិង សូមជូនពរដល់បងប្អូនទាំងក្នុងនិងក្រៅប្រទេស ជួបតែសេចក្ដីសុខសេចក្ដីចម្រើន សុខភាពល្អ រកស៊ីមានបាន អាយុយឺនយូរ៕
