ខេត្តបន្ទាយមានជ័យ៖ដោយក្ដីអាណិតស្រឡាញ់ខ្មែរជួយខ្មែរ ក្នុងគ្រាលំបាក នាថ្ងៃទី២៨ ខែកញ្ញា ឆ្នាំ២០២៥ ដឹកនាំដោយព្រះអង្គគ្រូ ព្រះវិជ័យរង្សី ពាង ផល្លា ដែលជាព្រះគ្រូចៅអធិការវត្ត ជ័យទេពមង្គលអូរញរ ឃុំភ្នំតូច ស្រុកមង្គលបូរី ខេត្តបន្ទាយមានជ័យ រួមដំណើរដោយព្រះចៅអធិការវត្ត ព្រះសង្ឃប្រជាពុទ្ធបរិស័ទ បាននាំយកនូវសម្ភារៈអំណោយមនុស្សធម៌ មកផ្តល់ជូនដល់បងប្អូនជាភរិយា និងគ្រួសារកងទ័ពវរសេនាតូចអន្តរាគមន៍លេខ ៦ ឈរជើងការពារទឹកដី ស្ថិតនៅក្នុងភូមិថ្នល់កែង ឃុំត្រពាំងប្រាសាទ ខេត្តឧត្តរមានជ័យ ។ ដែលការផ្តល់នូវអំណោយមនុស្សធម៌នេះសរុបចំនួន ១២០គ្រួសារ ក្នុងមួយគ្រួសារទទួលបានអង្ករ ២៥គីឡូក្រាម ត្រីខ ១យួរ មី១កេស ទឹកស៊ីអ៊ីវ១យួរ ទឹកសុទ្ធ ២យួរ សារុង១ និងថវិកា ២ម៉ឺនរៀល សម្រាប់ក្មេងៗ ទទួលបាននូវសម្ភារៈសិក្សាមួយចំនួន។
ព្រះវីរជ័យសីលរង្សី ពាង ផល្លា ព្រះអង្គបានបញ្ជាក់ថា រាល់អំណោយទាំងអស់ ដែលបានយកមកផ្តល់ជូនដល់បងប្អូនជាភរិយា គ្រួសារកងទ័ពក្នុងឱកាសនេះ គឺបានមកពីការចូលរួមទឹកចិត្ត ជ្រះថ្លា ពីសំណាក់អ្នកស្រី សារ៉ុង មីឡឺនិងស្វាមី អ្នកស្រី សាវរីយ៍ ភើន និងស្វាមី អ្នកស្រី ចាន់និមិត្ត ភើន និងស្វាមី ញោមម៉ែ ភើន សុភឿន ដែលអ្នកទាំងអស់រស់នៅសហរដ្ឋអាមេរិក បានផ្ញើជាថវិកាតាមរយៈព្រះអង្គគ្រូ ពាង ផល្លាស រុបចំនួន ៣៥០០ដុល្លារ ហើយនៅក្នុងនោះ ក៏មានការចូលរួមជា សទ្ធាជ្រះថ្លា ពីលោក កៅ ង៉ែត ម្ចាស់រោងម៉ាស៊ីនកិនស្រូវ អូរប្រាសាទ ចូលរួមជាអង្ករចំនួនមួយតោនកន្លះផងដែរ។
ព្រះអង្គបន្តថា អំណោយមានភាពតិចតួចក៏ពិតមែន ក៏ប៉ុន្តែជាជាទឹកចិត្តសប្បុរសធម៌ខ្មែរជួយខ្មែរក្នុងគ្រាលំបាក និងជួយសម្រាលជីវភាពបានមួយគ្រាតែប៉ុណ្ណោះ តែអ្វីដែលសំខាន់គឺទឹកចិត្តអាណិតស្រឡាញ់ចំពោះបងប្អូនយើងដែលជាអាណិកជនរស់នៅក្រៅប្រទេសធ្វើការកៀងគររៃអង្គាសថវិកាមក នាពេលខាងមុខជាបន្តទៀត ហើយថវិកាសរុបទាំងអស់ចំនួន ៧០០០ដុល្លារសហរដ្ឋអាមេរិក ផ្ញើរមកតាមព្រះអង្គគ្រូ ពាង ផល្លា នឹងធ្វើការបែងចែកជាបន្តបន្ទាប់ទៀត ។
លោកវរសេនីយ៍ឯក ហង្ស សុផន មេបញ្ជាការវរសេនាតូចអន្តរាគមន៍លេខ២៦៤ បានថ្លែងនូវអំណរព្រះគុណអស់គុណយ៉ាងជ្រាលជ្រៅបំផុតចំពោះទឹកប្រទ័យទឹកចិត្តសប្បុរសជនដែលបានផ្តល់ជូនសម្ភារៈអំណោយចែកជូនដល់គ្រួសារនិងភរិយាកងទ័ពដែលកំពុងឈរជើងការពារតាមខ្សែបន្ទាត់ព្រំដែនកម្ពុជា–សៀម ហើយក្នុងនាម កងទ័ពសូមប្តេជ្ញាគោរពតាមបទ បញ្ជាថ្នាក់ដឹកនាំជានិច្ច ការពារដែនអធិបតេយ្យទឹកដីនេះឲ្យខានតែបាន។ ពីសំណាក់ ពីពពួក សៀម ដែលមានមហិច្ឆតាចង់បានទឹកដីរបស់យើង។ ចុងក្រោយព្រះសង្ឃក៏បានធ្វើការប្រោះព្រំទឹកមន្តដើម្បីសុំសេចក្ដីសុខចំរើនឈ្នះអស់មារសត្រូវ គ្រប់ទិសទី៕
