(បន្ទាយមានជ័យ)៖លោក ហង្ស រ៉ាត់ ទីប្រឹក្សាជាន់ខ្ពស់សមាគមសម្ព័ន្ធយុវជនដើម្បីសន្តិភាព តំណាងឲ្យឯកឧត្តមបណ្ឌិត សុខ ចាន់ភក្តី ប្រធាន សមាគម នាថ្ងៃទី៣ ខែកញ្ញា ឆ្នាំ២០២៦ បានអញ្ជើញចូលរួមចែកអំណោយជូនដល់វរសេនាតូចនគរបាលការពារព្រំដែនគោកលេខ៨១៥ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ ដែលរៀបចំដោយព្រះពិក្ខុ អត្តបណ្ឌិតោ ហង្ស ឆៃយុទ្ធ អនុប្រធានកិត្តិយសសមាគម លោក ឆុន វីរ: ប្រធាន សាខាខេត្តបន្ទាយមានជ័យ រួមនិងសមាជិក សមាជិការ។
អំណោយជាសម្ភារៈ គ្រឿងឧបភោគបរិភោគដែលត្រូវផ្តល់ជូន វរសេនាតូចនគរបាលការពារព្រំដែនគោកលេខ៨១៥ រួមមានៈ កញ្ចប់ឃីត ,ធូបមូស ,អំបិល ,ស្កសរ ,ច្រាសដុះធ្មេញ , ទឹកត្រី ,ទឹកស៊ីអ៊ីវ ,ផ្លែឈើ ,ថ្នាំពេទ្យ ,នំ ,ទឹកបរិសុទ្ធ ៣០០យួ ,ទឹកបរិសុទ្ធហ្គ្រែនស្បឺត ១០កេស ,ទឹកបរិសុទ្ធវីតាល ៦០កេស និងថវិការសរុប ៥០០ដុល្លាផងដែរ ។
លោក ឆុន វីរ: ប្រធាន សាខាខេត្តបន្ទាយមានជ័យ បានមានប្រសាសន៍ថា អំណោយដែលត្រូវយកមកចែកជូននាពេលនេះបានមកពីថ្នាក់ដឹនាំ និងបងប្អូនសមាជិក សមាជិការ ព្រមទាំងសប្បុរសជននានា ដែលតែងតែជួយឧបត្ថម្ភតាមរយះសមាគមសាខាខេត្តបន្ទាយមានជ័យយើងជាហូរហែ ។ជាមួយគ្នានោះដែរលោក ឆុន វីរ: ប្តេជ្ញាថា លោកនឹងបន្តខិតខំគៀងគរអំណោយពីសប្បុរសជននានាគ្រប់ទិសទីទាំងក្នុងនិងក្រៅស្រុក ទោះសម្ភារះ គ្រឿងឧបភោគបរិភោគ និងថវិការក្តី ដើម្បីយកទៅចែកជូនដល់ប្រជាពលរដ្ឋដែលមានជីវភាពខ្វះខាត ពិសេសវីរៈកងទ័ពទ័ពដ៏អង់អាចក្លាហានដែលកំពុងការពារបូរណៈភាពទឹកដី តាមខ្សែរបន្ទាត់ព្រំដែនកម្ពុជា–ថៃពីការឈ្លានពានរបស់ទាហានថៃ ដោយផ្ទាល់ ។
នាឱកាសនោះដែរ លោក ហង្ស រ៉ាត់ ក្នុងនាមទីប្រឹក្សាជាន់ខ្ពស់សមាគម បានមានប្រសាសន៍ផ្ដាំផ្ញើសាកសួរសុខទុក្ខពីសំណាក់ឯកឧត្តមបណ្ឌិត សុខ ចាន់ភក្តី ប្រធាន សមាគ ដែលឯកឧត្តមបណ្ឌិត តែងតែយកចិត្តទុកដាក់ គិតគូរពីសុខទុក្ខប្រជាពលរដ្ឋដែលមានជីវភាពខ្វះខាត ពិសេស វីរៈកងទ័ពដ៏អង់អាចក្លាហាននៅជួរមុខដែលកំពុងការពារបូរណ:ភាពទឹកដី ហើយអំណោយដែលប្រគល់ជូននាពេលនេះមានតិចតួចមិនគ្រប់តាមតម្រូវការក៏ពិតមែន តែជាទឹកចិត្តចូលរួម ដើម្បីផ្ដល់នូវកម្លាំងចិត្តផ្សារភ្ជាប់សមរភូមិក្រោយជួយសមរភូមិមុខ ហើយក៏ជាការចូលរួមចំណែកកាត់បន្ថយភាពក្រីក្ររបស់ប្រមុខរាជរដ្ឋាភិបាលមួយផ្នែកផងដែរ។
បន្ទាប់ពីចែកអំណោយជូនដល់វរសេនាតូចនគរបាលការពារព្រំដែនគោកលេខ៨១៥ រួចមក ថ្នាក់ដឹកនាំសមាគម និងសមាជិកសមាជិការ រួមនឹងមេបញ្ជាការ វរសេនាតូចនគរបាលការពារព្រំដែនគោកលេខ ៨១៥ ក៏បានស្រាក់គ្នាផ្តល់ជូននូវគ្រឿងឧបភោគ បរិភោគ មានដូចជា អង្គ ១បេ ទម្ងន់៥០គីឡូក្រាម ,ទឹកបរិសុទ្ធកម្ពុជា ២កេស ,មីខ្លាឃ្មុំ ២កេស ,ត្រីខ ១យួ និងថវិការ ចំនួន ៥៣៩០០០រៀល ចែកជូនដល់ស្ត្រីម្នាក់ រស់នៅភូមិថ្មី ឃុំ/ស្រុកម៉ាឡៃ ដែលមានជីវភាពខ្វះខាត កំពុងមានជំងឺមហារីក ដំណាក់ការចុងក្រោយផងដែរ ។ ស្ត្រីដ៏កំសត់រូបនេះបានបញ្ជាក់ថា រាល់ថ្ងៃនេះបានបងប្អូនប្រជាពលរដ្ឋ និងអ្នកជិតខាង ពិសេសមេបញ្ជាការ វរសេនាតូចនគរបាលការពារព្រំដែនគោកលេខ ៨១៥ ដែលតែងតែជួយឧបត្ថម្ភអាហាហូបចុក និងថវិការ គ្រាន់បានយកទៅព្យាបាលជំងឺផងដែរ ទន្ទឹមនោះស្ត្រីដែលមានជំងឺដ៏សាហាវជាប់ខ្លួន ខាងលើបានសម្តែងការអគុណទាំងអារម្មណ៍ក្តុកក្តួលអួលដើមករ ទឹកភ្នែករលីងរលោង និងជូនពរដល់ថ្នាក់ដឹកនាំ និងក្រុមការងារសមាគម និងមេបញ្ជាការ វរសេនាតូចនគរបាលការពារព្រំដែនគោកលេខ ៨១៥ ព្រមទាំងសប្បុរសជននានា ដែលតែងតែជួយដល់ខ្លួន ឲ្យជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លៀតឡើយ៕
