ខេត្តបន្ទាយមានជ័យ ៖ចំណីផ្លូវសាធារណៈជាច្រើនកន្លែង នៅក្នុងក្រុង ពិសេសក្នុងសង្កាត់ប៉ោយប៉ែត ត្រូវបានប្រជាពលរដ្ឋ អាជីវករ ពាណិជ្ជករ រំលោភយកធ្វើជាអាជីវកម្ម ,លក់ដូរ ដាក់តាំងលក់ទំនិញ និងសម្ភារៈផ្សេងៗ យ៉ាងអាណាធិបតេយ្យ ធ្វើឲ្យរំខានដល់អ្នកជិតខាង ពិសេសការធ្វើដំណើររបស់ប្រជាពលរដ្ឋ ព្រោះតែផលប្រយោជន៍ផ្ទាល់ខ្លួន ។ជាក់ស្ដែង នៅបណ្ដោយផ្លូវអង់តែន០១៦ និងចំណុចកែងផ្សារអគ្គ:ថ្មី ខាងលិចអាស្រមលោកយាតម៉ៅ ស្ថិតនៅក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ដាក់តាំងលក់ទំនិញគ្រប់មុខមួយទឹកៗ រំលោភលើចំណីផ្លូវសឹងពាក់កណ្ដាលទៅហើយ មិនទាន់ឃើញអាជ្ញាធរមានចំណាត់ការនៅឡើយ ។ ដោយឡែកទីតាំងមួយកន្លែងទៀតដោយគេដឹងថាជារបស់អតីតអភិបាលរង ខេត្ត លោក ង៉ោ ម៉េងជ្រួន ជាអ្នកយល់ដឹងពីច្បាប់ បំពានលើច្បាប់ អង្គុយលើច្បាប់ ជាគំរូអាក្រក់ដល់ពលរដ្ឋ និងសង្គម នូវតែលោភលន់ចង់មានចង់បានដោយឥតអៀនខ្មាស់ បន្តសាងសង់តូបបានជាច្រើនតូបរំលោភលើចំណីផ្លូវសាធារណៈ អាជ្ញាធរសង្កាត់មិនហ៊ានទៅក្បែរ ដោយខ្លាចអំណាចឥទ្ធិពលរបស់បុគ្គលខាងលើ ។
គួររំលឹកផងដែរថា ទីតាំងរបស់លោក ង៉ោ ម៉េងជ្រួន នេះកន្លងមកធ្លាប់ឱ្យជាងសាងសង់ជិតរួច ក៏ត្រូវបានអ្នកសារព័ត៌មាន ដឹងក៏បានធ្វើការផ្សព្វផ្សាយ អាជ្ញាធរក៏បានចុះទៅហាមឃាត់ រហូតរួសរើកអស់ទៅហើយដែរ ។ស្ងាត់ៗក៏ស្រាប់តែធ្វើឡើងវិញ ដោយជួលឲ្យអាជីវករលក់ដូរយ៉ាងគគ្រឹកគគ្រេង មិនរំខានដល់អាជ្ញាធរ ។
ពាក់ព័ន្ធករណីខាងលើនេះ លោក ភោគ លន ចៅសង្កាត់ប៉ោយប៉ែតបានប្រាប់ភ្នាក់ងារយើងតាមទូរសព្ទឲ្យដឹងថា លោកបានកំណត់ឱ្យថយ ២ម៉ែត្រ ពីចិញ្ចើមផ្លូវ ប៉ុន្តែធ្វើម៉េចការអនុគ្រោះបានត្រឹមពីរម៉ែត្រនិងសិន តែគាត់បានរើអស់ហើយ ប៉ុន្តែមិនដឹងធ្វើយ៉ាងម៉េចហាមហើយ ពួកគាត់នូវតែបន្តធ្វើលក់ដូរ ។ប៉ុន្តែមិនឲ្យហួសពី ២ម៉ែត្រទេ ហើយលោកបានឲ្យភូមិចុះទៅមើលឃើញថា ខ្លះសល់ ២ម៉ែត្រកន្លះ ខ្លះទៀតសល់ ៣ ម៉ែត្រ ។តែទោះយ៉ាងនេះក្តី ការរំលោភបំពានលើចំណីផ្លូវសាធារណៈនេះ ត្រូវបានគេមើលឃើញថា សុទ្ធសឹងតែជាអ្នកមានអំណាច មានលុយ មានឥទ្ធិពល ទើបបានជាអាជ្ញាធរមូលដ្ឋានមិនហ៊ាន ។ បើនូវតែបណ្ដែតបណ្ដោយឲ្យមានបែបនេះទៀត នុះនឹងជះឥទ្ធិពលអាក្រក់ ឬក៏ជាគំរូអាក្រក់ដល់ប្រជាពលរដ្ឋ ។ដូច្នេះស្នើសុំឲ្យអាជ្ញាធរសង្កាត់ ពិសេសក្រុងប៉ោយប៉ែតតែម្ដង ពិនិត្យនិងមានវិធានការ ម៉ើងម៉ាត់ កុំមានការយោគយល់ ដូចដែលកន្លងមកពោលគឺអំឡុងខែសីហា ឆ្នាំ២០២៣ ពេលនោះរដ្ឋបាលក្រុងបានប្រកាសនិងមានវិធានការក្តៅលើម្ចាស់ក្រុមហ៊ុន សហគ្រាស អាជីវករ ពាណិជ្ជករ និងបងប្អូនប្រជាពលរដ្ឋ ឱ្យរួសរើសំណង់ សំយ៉ាប ស្លាកយីហោ លក់ដូរលើចំណីផ្លូវសាធារណៈ អោយចូលរួមស្ម័គ្រចិត្តរុះរើដោយខ្លួនឯងក្នុងរយៈពេល ៧ថ្ងៃ ជាកំណត់ នៅតាមបណ្ដោយផ្លូវជាតិលេខ៥ និងទីប្រជុំជនក្នុងក្រុង ករណីមិនអនុវត្តតាម រដ្ឋបាលក្រុងនិងរុះរើ ដោយមិនទទួលខុសត្រូវចំពោះការខូចខាតឡើយ រហូតពលរដ្ឋរកជួលជាងរួសរើសឹងពុំបាន តែក្រោយមកក៏ស្ងាត់ទៅវិញ។ប្រជាពលរដ្ឋក៏នាំគ្នាបន្តដាក់ជាហូរហែឡើងវិញ ដោយសារតែមើលឃើញគំរូអាក្រក់របស់អ្នកមានលុយ មានអំណាចឥទ្ធិពល ពិសេសរបស់លោក ង៉ោ ម៉េងជ្រួន អតីតអភិបាលរងខេត្ត នេះតែម្ដង ៕
ខាងក្រោមនេះនៅផ្លូវអង់តែន០១៦
ខាងក្រោមនេះជារូបថ្មី របស់លោក ង៉ោ ម៉េងជ្រួន
ខាងក្រោមនេះនៅកែងផ្សារអគ្គៈថ្មី ខាងលិចលោកយាយម៉ៅ
ខាងក្រោមនេះជារូបថ្មី របស់លោក ង៉ោ ម៉េងជ្រួន
ខាងក្រោមនេះនៅកែងផ្សារអគ្គៈថ្មី ខាងលិចលោកយាយម៉ៅ
ខាងក្រោមនេះជារូបថ្មី របស់លោក ង៉ោ ម៉េងជ្រួន
ខាងក្រោមនេះនៅផ្លូវអង់តែន០១៦
ខាងក្រោមនេះនៅកែងផ្សារអគ្គៈថ្មី ខាងលិចលោកយាយម៉ៅ
ខាងក្រោមនេះនៅផ្លូវអង់តែន០១៦
ខាងក្រោមនេះនៅផ្លូវអង់តែន០១៦
ខាងក្រោមនេះនៅផ្លូវអង់តែន០១៦
ខាងក្រោមនេះជារូបឯកសារចាស់ ដែលសាងសង់ហើយរុះចោលរិញ របស់លោក ង៉ោ ម៉េងជ្រួន
