ខេត្តបន្ទាយមានជ័យ៖សមណ:សិស្ស សិស្សសរុបចំនួន ១ ៥៣៥អង្គ/នាក់ ដែលកំពុងនឹងត្រូវបានប្រឡងយកវិញ្ញាបនបត្រ ថ្នាក់ត្រី ទោ ឯក នាថ្ងៃទី៧ ខែមិថុនា ឆ្នាំ២០២៦ នៃវិទ្យាល័យសិរីសោភ័ណនៅក្នុងខេត្តបន្ទាយមានជ័យ។
លោក បៀវ ថាន ប្រធានមន្ទីរធម្មការនិងសាសានាខេត្តបានឲ្យដឹងថា ការប្រលងធម្មវិន័យថ្នាក់ត្រី ទោ ឯក នៅក្នុងឱកាសនេះ គឺជាឆ្នាំទី៣៣ហើយ សម្រាប់ឆ្នាំនេះ ដែលមានសមណ:សិស្ស សិស្សដែលប្រឡងសរុបចំនួន ១៥៣៥អង្គ នាក់ក្នុងនោះ បុព្វជិតចំនួន ១១០១អង្គនិងគ្រហស្ថចំនួន២៣នាក់ ត្រូវបានបែងចែកចំនួន៦៣បន្ទប់ ។
លោក បៀវ ថាន បានបន្តថា ចំពោះវិញ្ញាសាប្រឡងនៅក្នុងថ្ងៃនេះមានចំនួន ៤រួមមាន ១ វិញ្ញាសារប្រជុំកងធម៍ ២ ពុទ្ធប្បវត្តិ ៣វិញ្ញាសាព្រះវិន័យ និងទី៤វិញ្ញាសារ សាសនសុភាសិត។ លោក យឹម សំណាង អភិបាលរង ខេត្តតំណាងឯកឧត្តម អ៊ុំ រាត្រី អភិបាលខេត្តបានមានប្រសាសន៍នៅក្នុងការរៀបចំប្រឡង នេះគឺស្របតាមសារាចរណែនាំរបស់ក្រសួងធម្មការនិងសាសនាព្រះសពតាមច្បាប់អប់រំមាត្រា ២៦បានចែងថា ដើម្បីធានាបាននូវគុណភាពអប់រំ ប្រសិទ្ធភាពអប់រំប្រកបដោយភាពត្រឹមត្រូវតម្លាភាព ត្រូវមានការប្រឡងសម្រាប់ សមណ:សិស្សសិស្សដែលចេះ គឺប្រឡងជាប់ និងសម្រាប់ពិធី កាត់ស្រោមវិញ្ញាសា ពេលនេះ គឺជាជំហានសំខាន់មួយ នៅក្នុងដំណើរការនៃការរៀបចំការប្រឡងដើម្បីធានាថាការប្រឡងប្រព្រឹត្តទៅដោយភាពសុក្រឹត តម្លាភាព យុត្តិធម៌សម្រាប់សមណ:សិស្សនិងសិស្សទាំងអស់។
លោក យឹម សំណាង បានបន្តថា សមណ;និងសិស្សទាំងអស់បានបង្ហាញឲ្យឃើញពីការយកចិត្តទុកដាក់ និងការចូលរួមយ៉ាងសកម្មនៅក្នុងការអភិវឌ្ឍ ការសិក្សាដែលជាមូលដ្ឋានដ៏សំខាន់នៅក្នុងការផ្ដល់បណ្ដាញព្រះសង្ឃឲ្យមានទាំងចំណេះដឹងសីលធម៌គុណធម៌ដើម្បីបន្តថែរក្សានិងលើកស្ទួយព្រះពុទ្ធសាសនាជាសាសនារបស់ជាតិ។ ពុទ្ធិកសិក្សាគឺជា វិស័យមួយដែលមានតួនាទីយ៉ាងសំខាន់នៅក្នុងការបណ្ដុះបណ្ដាលធនធានសមណ:ឲ្យមានសមត្ថភាពទាំងផ្នែកធម៌ និង វិទ្យាសាស្ត្រ។ ការសិក្សានៅពុទ្ធិកវិទ្យាល័យមិនត្រឹមតែផ្តល់នូវចំណេះដឹងប៉ុណ្ណោះទេ ប៉ុន្តែថែមទាំងជួយអភិវឌ្ឍសីលធម៌ វិន័យនៃការរស់នៅប្រកបដោយគុណធម៌ដែលជាគន្លឹះដ៏សំខាន់ក្នុងការបម្រើសង្គមជាតិសាសនានិង សាសនា។ និងសូមជូនពរដល់ ព្រះតេជគុណគ្រប់ព្រះអង្គទទួលបានភាពជោគជ័យនៃការប្រឡងនៅក្នុងពេលនេះ។ គួរបញ្ជាក់ផងដែរថា ការ ការប្រឡងនៅក្នុងថ្ងៃនេះ គឺមានការចូលរួមឧបត្ថម្ភចង្ហាន់ពីសំណាក់ ឯកឧត្តម កែគឹមយ៉ាននិងលោកជំទាវម៉ៅម៉ាល័យ ឯកឧត្តមអភិសន្តិបណ្ឌិត សសុខា និងលោកជំទាវកែសួនសុភី និងលោក កែសួនសុភាព និងលោកស្រី ព្រំ រដ្ឋា បាន ឧបត្ថម្ភអាហារចំនួន ១៩០០ប្រអប់ ទឹកក្រូច ចំនួន៨៥កេស និងទឹក សុទ្ធចំនួន១០០យួរ ផងដែរ៕
