ខេត្តបន្ទាយមានជ័យ៖លោកស្រី យ៉ាំង អ៊ូយលីន នាយិកាអង្គការគ្រួសារកុមារអភិវឌ្ឍន៍រស់នៅកោះតៃវ៉ាន់បានប្រគេនឲ្យអង្ករដល់ព្រះសង្ឃចំនួន ១៥វត្ត ។នេះគឺជាសកម្មភាពមនុស្សធម៌និងជាកាយវិកាសប្បុរសធម៌ដែលអង្គការហ្រ្វានៃកោះតៃវ៉ាន់នេះបានចូលរួមចំណែកជួយសម្រួលដល់ការចង្ហាន់ព្រះសង្ឃក្នុងឱកាសចូលព្រះវស្សាសកម្មភាព នេះមិនត្រឹមតែជួយសម្រាលបន្ទប់ជីវភាពរបស់វត្តអារាមប៉ុណ្ណោះទេ ប៉ុន្តែថែមទាំងបានបង្ហាញពីចំណងមិត្តភាពសហប្រតិបត្តិការល្អនិងទឹកចិត្តអាណិតស្រឡាញ់រវាងប្រជាជនព្រះសង្ឃកម្ពុជានិងប្រជាជននៃកោះតៃវ៉ាន់។ហើយចំពោះទឹកចិត្តសប្បុរសធម៌នៃការចែករំលែកនេះគឺមិនប្រកាន់ពូជសាសន៍ឬសាសនាអ្វីឡើយ ។ម្យ៉ាងវិញទៀតអង្គការហ្វ្រាជានិច្ចកាលតែងតែចូលរួមចំណែកយ៉ាងសំខាន់ក្នុងការទ្រទ្រង់ព្រះសង្ឃកំពុងគង់ចាំព្រះវស្សានិងសិក្សារៀនសូត្រ។
ព្រះសមណញ្ញាណ ណាប់ ម៉ឺន ព្រះបាឡាត់កុនខេត្តតាងនាមឲ្យព្រះសង្ឃសូមថ្លែងនូវអំណរគុណយ៉ាងជឿជ្រៅបំផុតចំពោះលោកស្រី យ៉ាង អ៊ុយលីនដែលតែងតែងយកចិត្តទុកដាក់ជួយឧបត្ថម្ភដល់ព្រះសង្ឃនិងឧបត្ថម្ភជាសម្ភារៈសម្រាប់សិក្សាប្រគេនដល់សមនៈសិស្សមិនតែប៉ុណ្ណោះបានផ្ដល់ជាថវិកាជួយដល់សាមណៈសិស្សរៀនសូត្រព្រមទាំងជួយកសាងជួសជុលនៅសមិទ្ធផលនានាជាច្រើន នេះគឺជាទឹកចិត្តសប្បុរសធម៌ដ៏ថ្លៃថ្លាមួយស្ដែងឲ្យឃើញពីការគិតគូរនិងក្តីអាណិតស្រឡាញ់ចំពោះជនជាតិតៃវ៉ាន់មកលើជនជាតិខ្មែរយើងជាពិសេសព្រះសង្ឃដែលកំពុងសិក្សារៀនសូត្រដោយឈរលើស្មារតីជួយសង្គ្រោះគ្នាសមានចិត្តដ៏ប្រពៃរបស់លោកស្រីនាយិកា និងត្រូវបានចងចាំដោយព្រះសង្ឃខ្មែរប្រជាជនខ្មែរទុកក្នុងក្រអៅបេះដូងមិនអាចបំភ្លេចបាននោះឡើយ។សូមបញ្ជាក់ផងដែរថាការប្រគេនអង្ករនៅថ្ងៃនេះដោយក្នុងមួយវត្តមួយវត្តទទួលបានអង្ករ ចំនួន ២០ ការ៉ុងថ្មើនឹងមួយតោន៕
